الحب|"جريدة عَبْقّ"

#شِعر #عبدالحليم_عبدالعظيم "الحب" الحب كلمة جميلة وبسيطة ومن حرفين تعمل حكاية ولا ألف ليلة وليلة وتجمع ما بين عاشقين ن وتنتهي يا بفرحة كبيرة يا بدموع على الخدين دِ دبله ولو فضة تجمع ما بين عشاق وكلمة أنا آسفه تسبب جرح كبير وفراق الحب قصصه كتير الحب في الأصل كبير الحب يبدأ زمان لما حبيت بنت من بنات الجيران لا أنا عارف هيا بتحبني ولا هيا عارفة إني بحبها يا دوب هيا عارفة إسمي وأنا بالعافية عارف إسمها بس عشقتها وكنت بحبها كنت بسرح كتير بالخيال وكنت بكتبلها شعر وغرام وكنت مستني أجمل يوم اللي هقولهم ليها في الحلال بس ياخسارة سرقها مني الزمان وكمان شوية هتبقى ام لعيال وهو أول حب عادي هيتنسي وهشوف حب جديد وهيبقى جميل وسعيد وبأجمل بدلة منه هتكسي والحب القديم هيتنسي هيتنسي أسكت لا طبعّا أكمل حبيت حب عمري وكانت هيا شمسي وقمري تشوفها تسبح الواحد بس كان في مشكلة إنه حب من طرف واحد كنت بلبسلها أجمل لبس تشوفني تقول عريس بس نوع الحب دا بطبعه خسيس كنت برفع شعري ليها وكنت بتشيك عشانها وليها كنت شايفها من بنات الحور وأنا كنت بالنسبالها زي صورة على سور زهقت منها وجبت أخري وبعدت عنها ودست على قلبي واتكسر أول وتاني من حب كان بطبعه أناني أسكت لا طبعّا أكمل حبيت لتالت مرة بس المرادي كسرته كانت مُرة حبتها حب جنون وكان حبي ليها يملأ الكون كانت بضحكة منها تحلى أيامي ومش هقدر اوصفها بكلامي وفجأة ومن غير إنذار اتغير كلامها بقولها مالك قالتلي خلص المشوار آسفه مش هقدر أكمل غصب عني مش بإيدي وإنت تستاهل واحدة أحسن مني أنا أسفة غصب عني فضلت ساكت كأني أخرس بقيت كتاب كبير وليه فهرس أسكت لا طبعا أكمل خلاص وصلت للحب الأجمل الحب الحقيقي الحب اللي هيبقى معايا ورفيقي بس هو حب مختلف شوية حب مش هيفهموا حد غير اللي شبهي وحس بيا حب في الخيال هو دا الحب الحلال حب متعلق بأشد الحبال حاجه كدا على مقاسي شبهي وزيي ومن توبي وكاسي وعندها نفس احساسي دي جوهرتي في الدنيا ومآسي بحبك وبقولها من دلوقت وأنا مستنيكي مهما طال الوقت بحبك من قبل ما أشوفك ومين زيك في جمالك وكسوفك عارفك قمر من قبل ما أشوفك إنتِ حب حياتي إنتِ كياني وذاتي ومن دلوقت بقولك تحياتي وليكِ مني أجمل كلماتي دا إنتِ هتكوني مراتي وأم لعيالي وحياتي مشتاقلك يا أجمل حكايه هتكون في حكاياتي