حوار صحفي مع المهندس وليد عصام |"جريدة عَبْقّ"

تشرفنا في جريدة عَبْقّ باستضافة المهندس "وليد عصام" مصمم الجرافيك في حوار صحفي خاص مع الصحفية جويريه سعيد _اسمك رباعي؟ وليد عصام زكريا علي _اسم الشهرة؟ وليد. _سنك؟ ٢١ سنة. _المحافظة؟ الدقهلية. _نوع عملك؟ مصمم جيرافيك حاليًا. _دي موهبة؟ ولا دراسة؟ هواية. _إمتى وازاي اكتشفتها؟ هل فكرت تنميها وإزاي؟ من سنتين حصل موقف خلاني عندي فضول ادخل المجال طورت فيها بس هيجي وقت وهوقف شغل فيها واهتم بمجالي بعد التخرج إن شاء الله. _هل حد ساعدك في اكتشاف الموهبة أو تنميتها؟ لا محدش ساعدني في أي حاجة. _في حد دعمك؟ للأسف لا. بس ف بعض الأوقات كنت باخد رأي واحدة في المجال دا اسمها دينا طارق بعتبرها أكتر من أخت الحقيقة. _كنت بتقابل انتقادات في مجال هوايتك، وكنت بتواجها ازاي؟ أه كتير، عادي كملت وعملت شغل كتير. _كانت بتأثر عليك أو في شغلك ولا كنت بتستقبلها إزاي؟ كنت بضايق من التقليل من اللِ بعمله في البداية بس حاليًا اتعودت. _إيه الانجازات اللِ عملتها في الفترة الأخيرة؟ إني قدرت أوصل بشغلي في تونس وقطر الحمد لله. _أهم اعمالك؟ من أهم أعمالي واللٓ بالمناسبة كانت فري مخدتش فيها فلوس، عملت إجازات لدار تحفيظ قران في تونس وعملت ديزاينات لمدربة كيك بوكس دولية في قطر. _هل ممكن فرصة تجيلك بتعاقد كبير توافق عليها فيما بعد أو بعد التخرج؟ ليه لا ربنا يبعت. _عمل من اعمالك عمل ضجة في السوشيال ميديا؟ كان تصميم عن فلسطين.. وناس كتير من برا مصر كانت غير صورة البروفايل بالديزاين دا. _هل مكمل في كونك مصمم جرافيك كشغف ولا أي بظبط؟ لبعد التخرج هشوف مجالي الأول، لو ربنا كرم وكملت في مجالي وكان عندي وقت اشتغل في التصميم اكيد هعمل كدا. _إزاي بتقدر توفق بين شغلك وحياتك وأسرتك؟ كل حاجة ليها وقتها. _إيه هو مصادر الهامك؟ لا شغال رغم انعدام الرغبة. _اي سبب انعدام الرغبة عندك؟ إن الفرص مش مغرية ممكن. _هل موهبتك او شغلك كمصمم جرافيك ليه علاقه بالشغف؟ لا إطلاقًا، بشتغل من غير شغف بردو عادي. _هل للأهل أو زمالة عمل ليهم تأثير عليك كونك مصمم جرافيك غير إن ده ملوش علاقه بتخصص دراستك؟ الأهل ميعرفوش إني مصمم جيرافيك غير بعد سنة وشوية لما خدت أول فلوس من المجال فعرفتهم. _إيه ردهم؟ هل كان في تشجيع أو احباط منهم؟ مكنوش متخيلين يعني ان ينفع اشتغل وادخل فلوس من البيت عادي، اللِ هو عادي. _طيب ممكن كلمه توجهها لأي حد مبتدأ في المجال؟ إن المجال كبير لأبعد حد، وفي ناس بروفيشنال كتير، طبيعي تقلدهم في الأول لحد ما تتعلم وتستقل بطريقتك الخاصة، وبالمناسبة طول ما أنت شغال بتتعلم بردو عادي المجال كبير وكل يوم في حاجات جديدة، متستعجلش إن يدخلك فلوس من المجال دا، الفلوس هتيجي مع الوقت. _عندك موهبه تانية؟ بحاول اكتشف. _من وجهه نظرك موهبة كمصمم جرافيك دي موهبة بالفطره ولا بالتعليم؟ مصمم الجيرافيك لازم تبقي عينه كويسة ويبقي حساس وذوقه حلو وبيعرف يختار الألوان كويس أوي، في ناس موهوبة وفي ناس بالممارسة هتطلع شغل محترم اكيد. _كلمة شكر حابب توجها أو تشكر حد معين؟ اشكر أهلي أكيد اول ناس وأشكر ناس قريبين مني في حياتي ومش هذكر أسامي عشان منساش حد والشكر الأكبر لكل الناس اللِ اتريقت عليا في بدايتي، اللِ بالمناسبة سألوني بعدين "نبدأ إزاي؟". _ رأيك في جريدة عَبْقّ؟ أعرف صاحبة الجريدة من فترة بسيطة وحابب اشكرها على مجهودها ده "جويرية سعيد" بالتوفيق إن شاء الله ومتخليش حاجة توقفك. شكرا للجريدة ومن نجاح لنجاح إن شاء الله.