حوار صحفي مع المخرج احمد عبد الرحيم |"جريدة عَبْقّ"

تشرفنا في جريدة عَبْقّ باستضافة المخرج "احمد عبد الرحيم " في حوار صحفي خاص مع الصحفية جويريه سعيد. _اسم حضرتك رباعي. احمد عبدالرحيم أحمد أبو الوفا _اسم الشهرة؟ الشهرة احمد عبدالرحيم _المحافظة؟ سوهاج، مقيم في البحيرة. _نوع عملك؟ مخرج ومؤلف. _إزاي وإمتى قدرت توصل لكونك مخرج ومؤلف؟ بدأت في 2014. اشتغلت مسرح كتير وخدت ورش وعملت عروض كتير في فرق حرة وقصور الثقافة ودرست اخراج مع المخرج أحمد البدري والمخرج اشرف فايق والمخرج عادل عوض وتم تكريمي من وزيره الثقافه الدكتورة ايناس عبدالدايم ورئيس هيئه قصور الثقافه المخرج هشام عطوه والاستاذ تامر عبدالمنعم ودرست في قصر السينما لحد مبقيت معتمد. _إيه هو أول عمل فردي ليك؟ كان عرض مسرحي اسمه "المصحة" لحد ما بقوا 29 عرض اهمهم عرض حلم حلمي من تأليفي واخراجي وبمشاركة ودمج ذوي الهمم مع الاسوياء وبحضور وزير الشباب والرياضه ومعالي وزيره الثقافة. _أول عمل جماعي شاركت فيه؟ وشاركت بصفتك إيه؟ مسلسل موسي تريننج إخراج مع محمد رمضان. _آخر عمل فردي قمت بعمله؟ فيلم انفصام عكسي الحائز على مركز تاني على مستوى الجمهورية في مهرجان ابداع. _كان صفتك إيه فيه؟ مخرج العرض. _آهر عمل جماعي شاركت فيه؟وشاركت بصفتك إيه؟ حلم حلمي مخرج ومألف العرض. _دي نوعها اي مسرحية/ فيلم ؟ مسرحية. _عمل من أعمالك عمل ضجة في السوشيال مديا؟ كليب بعشقك فيلم ابن الأسد _كان إيه سبب ميولك التأليف والاخراج؟ اكتشاف مواهب وخلق فرص عمل للشباب وظهورهم بشكل لائق وتادية رسالة. _قدرت تواجه السلبيات إزاي؟ بعشق الانتقادات اللِ ميستفدش من عدوه ميقدرش يستفاد من صديقه. _مين اول مدعم ليك في أول رحلتك؟ الناقد الفني عمرو عبداللطيف. _في عندك موهبة أخرى؟ الغناء _إيه المشاكل اللِ واجهتك في أول رحلتك أو مازالت بتواجهك؟ وجود ناس مستغله للشباب ووجود ناس مش مستعدة تساعد كل هدفها لم الفلوس. _إيه مشاكل ممكن تقابلك في الشغل أو ف تأدية عرض؟ لا مفيش مشاكل الحمدلله، أو انا كأحمد مبيقبلنيش مشاكل. _إيه ممكن يحصل يوقفك في طريقك او يسبب لاعتزالك؟ مفيش أي حاجة توقف البني آدم غير لو هو حابب ده، وأغلب الأوقات بيكوم لاسباب خاصة. _إيه ممكن في مجال شغلك بتعترض عليه وإيه ممكن تزوده شايف إنها ناقصه في الوسط؟ مفيش حاجه لأني بعمل اللِ أنا عايزه او بمعني صح بقدم فن هادف.. فمعنديش حاجة أعدلها، فرص جديدة للوجوه الجديدة والاهتمام بيهم والاهتمام بذوي الهمم واعطائهم فرصه للمشاركه في جميع الأنشطة لأن دا حقهم. _مين من المخرجين الكبار حابب تشتغل معاه أو لو جتلك فرصة معاه تشتغل؟ كتير جدًا مقدرش أخص حد بالذكر لكن يبقي شرف ليا تواجدي مع أي مخرج ليه اسمه في الوسط الفني. _في كلمة حابب تقولها للناشئين جداد ف الوسط؟ اهتم بنفسك وبموهبتك صدق نفسك هتوصل. _شايف حد معين من الناس اللِ اتعاملت معاهم في ورش أو غيره ليه مستقبل كويس وهو فعلًا ناجح؟ في كتير طبعًا بالسعي وتنميه الموهبة ربنا بيكرمهم. _كلمة لجريدة عَبْقّ؟ جريدة كويسة وبتهتم بالمواهب في جميع المجالات واتمنى ليها وللمؤسسة جويرية التوفيق والنجاح. _حابب تقول كلمة شكر أو توجه كلمة شكر لحد معين؟ أشكر المؤسسة الكاتبة "جويرية سعيد" عشان مهتمة بجميع المواهب وبتحاول تساعدهم.