حوار صحفي مع الكاتبة نور الهدي ياسر |"جريدة عَبْقّ"

_اسمك بالكامل. نور الهدي ياسر علي ابراهيم _سنك؟ ٢٠ سنة. _محافظتك؟ القاهرة. _موهبتك؟ الكتابة. _إمتى وإزاي اكتشفتِ موهبتِك؟ كان في ٢٠١٦ لقيت نفسي بكتب وأنا قاعدة كل أما أبقى مخنوقة بكتب. _إزاي فكرتي تنميها؟ بدأت واحدة واحدة أسمع وأشوف ناس بتكتب، أبقى في العربي أحسن. _مين الأشخاص اللِ ساعدتك في تنمية موهبتك؟ أول ما بدأت أكتب كانوا صحابي: مها وجهاد وتوأمتي. _مين اللِ دعمه ليكِ أثَّر عليكِ في نجاحك؟ يعني نقدر نقول معروفك غرس في قلبي امتنانًا يملأ الكون بما قدمته لي، فشكرًا أكتبها بحب من كل قلبي وبأجمل الكلمات الطيب وأرسلها إليك. _إيه المشاكل اللِ وجهتك في بداية تحقيقك لموهبتك؟ مكنش مجال الكتابة منتشر ذي دلوقتي فـ قليل أوي أما كان حد بياخد باله من كتاباتي. _هل واجهكِ أي انتقادات أو أراء سلبية تضعف ثقتك في نفسك اتجاه تحقيق حلمك؟ لا الحمد الله. _إيه الإنجازات اللِ أنتِ حققتيها في حياتك من جهة موهبتك أو غيره؟ الحمد الله شاركت في ٦ كتب لحد دلوقتي. _ أهم أعمالك؟ هلاك قلب، اليد، أفئدة تواقة، ليزاينس، روح مرتجفة. _أعمال عملت ضجة في السوشيال ميديا؟ في أغنية مقطع منها كنت أنا اللِ كاتباها (وأكتر واحدة بتحبك واخدها صديقه مِ جهلة متعرفش إنها بتحلم تكون وقت الوجع اهلك، بتحكيلها بغباء عشقك لوحده بتجرحك على طول كانك اعمي مش شايف وجود انسانه تستاهلك) _ اول عمل فني؟ كتاب اسمو هلاك قلب. _مين بيدعمك حاليًا؟ مامتي وجزء من صحابي. _عندك موهبة أخرى بتنميها؟ حاليًا لا بس كنت عايزه أتعلم حاجة جديدة. _ما الذي ينتظره الجميع من الكاتبة نور الهدى؟ أبقى شخصية غيرت تفكير المجتمع والتوقعات السلبية دايمًا. _ما هي مصادر إلهامك في الكتابة؟ نفسي. _ما هو الوقت المناسب ليكِ لوجود الشغف للموهبة؟ أما ببقى حزينة بطلع كلام يلمس القلب فعلًا الناس بتحسه. _كيف توفقِ بين الحياة الأسرية شغلك؟ معظم الوقت اللِ ببقى ماسكة في الفون بكتب. _هل تُفضلي النشر الإلكتروني أم التقليدي؟ الاتنين، بس بالنسبالي الورقي أحسن. _ما تأثير أعمالك على أفراد الأسرة أو زمالة العمل؟ فخورين بيا. _هل يؤثر النقد على عملك؟ النقد المفيد أكيد أم النقد السلبي اللِ ملهوش لازم لأ. _ما هي رسالتك لمجتمع لتنمية موهبته؟ مجال الكتابة حلو ذي الرسم ذي الرياضة بيه أنواعه، فَمفيش حاجة أقل من التانية. _ من وجهة نظرك الموهبة بالفطرة أم ممكن تكتسب؟ لا عادي ممكن، اكتسب أي موهبة إني أتدرب عليها وأعرف اساسياتها. _ما هي أكثر الأشياء حاليًا فِ الوسط لا تعجبك بدون ذكر أسماء أشخاص؟في ناس خدوا مجال الكتابه مهنة فلوس بدل ما تكون موهبة وتشجيع للأسف. _أخبرينا مَن هو المؤثر الاساسي عليكِ؟ توأمتي، كانت دايمًا معايا وفي ضهري وتشجعني دايمًا أنا بشكرها من قلبي. _ما رأيك بجريدة عَبْقّ وهل تريدي أن تقولي لها كلمة؟ بدايتهم رائعة ودايمًا من نجاح لي نجاح. _ما هو لقبك ولماذا قُمتِ باختياره؟ ممكن نقول دلع نوني وبحبه جدًا. _ما الشيء الذي يلهم قلمك؟ حزني ووحدتي. _إيه سبب ممكن يؤدي إلى اعتزالك؟ إني مبقاش بحقق حلمي، إني بكون بكتب وخلاص. _هل تريدي أن تقولي كلمةً أخيرة؟ أتمنى إني أكون كاتبة كبيرة ومحبوبة واتمنى أكون حد الناس بتشوفه وتسمعه من إحساس وكلامي يوصل للناس ميكونش كلام على الورق بس، وشكرًا لي أي حد بيدعمني.