عصفورة |"جريدة عَبْقّ"

#شعر #عبدالحليم_عبدالعظيم #عصفوره على الشجرة واقفه عصفوره بتغني بحزن وبنغمه مكسوره سألتها مالك إيه اللي كسرك قالتلي زعلانه منكم ومقهوره قولتلها أحكي وأنا سامع يمكن أخفف ويرجع نغمك اللامع قالت أسمع يا عم شكوتي وأعرف مصيبتي وبلوتي كنت عايشه في حالي ومبسوطه بكل أحوالي عايشه في عشي أنا وعيالي بصحى من الفجر أسبح ربنا عشان الرضا والأجر وأطلع ألف في كل مكان على أكل كويس مهما كان طالما حد من أطفالي جعان وأنا في الطريق قولت أشرب لقيت أخ ماسك أخوه وفيه بيضرب وقتله عشان الورث منه ما يهرب قلبكم قاسي يا بشر بقى أقسى من الحجر اتصدمت وطرت بعيد شوفت واحد من حقده بيعض على الإيد طمعان وبيحقد على كل اللي حواليه بيتمنا كل اللي مع غيره يبقى معاه وياخده منهم ويبقى وياه ويقول دول ما يستهلوش ادتهم يا رب ليه قلوبكم بقت كلها حقد وبقت سوده وماشيين في طريق شر مالوش عوده طرت مكسوره وعليكم حزينه شوفت جار بيأذي جاره بأفعاله وكلامه وأسلوبه وبشر أفكاره بخيل وشرير وحقير وأناني دا بيقوله أنت بتخلف بنات وأنا جالي ولد تاني بتقولوا سم بدل الكلام وبتحسدوا بعض على الأحلام نزلت دموعي وقولت كدا كفايا هرجع لأطفالي بالأكل اللي معايا لقيت صياد بيصيد أطفالي بياخد روحي ووقفت كل أفكاري كل أما أقرب يضربني بعيد قلبي بيتقطع وهو سعيد اخد روحي مني ومش قادره قاعده ومش مستوعبه الفكره لا سِلم منكم إنس ولا جن وقلبكم قاسي ولا بيحن حتى النبات والطير خلاص اتنزع منكم الخير سيبني في حالي بدمعتي اشكي لربي مصيبتي وبلوتي ويخفف عني شويه ويهون ويجبر قلبي وصبري يتكون سيبني أغني غنوتي المكسوره أنا مش زيكم بشر أنا مجرد عصفوره